Cofrestru

Gallwch bellach gofrestru ar-lein ar gyfer unrhyw un o'r cystadlaethau, boed yn unawd telyn; cyfansoddi cainc; parti alaw werin; neu ddawnsio.

Ewch ati, ac edrychwn ymlaen yn arw i'ch croesawu yn 'Stinog ar Dachwedd y 10fed!

Dolen i gofrestru 

Y Pwyllgor Telyn

Dyma'r criw wedi ymgynull i drafod y testunau a'r trefniadau a llawer mwy!

Yr aelodau ydi:                                                                       🎼🎶🎶🎶✔
Dylan Rowlands
Bethan Eleri Roberts
Lona Wyn Williams
Rhianwen Pugh
Gwenlli Mai Jones

Os hoffech chi gyfrannu i waith unrhyw un o'r is-bwyllgorau, cysylltwch!

Tiwnio'r Tannau

Mae’r dyddiad wedi’i osod a’r pwyllgor gwaith wedi dechrau ar y trefnu sylweddol sydd o’u blaen. Cynhelir gŵyl undydd mwyaf Cymru yn Ysgol y Moelwyn ar ddydd Sadwrn y 10fed o Dachwedd, 2018.

Penodwyd Iwan Morgan yn gadeirydd, a fo fydd yn llywio’r gwaith cynllunio, ochr yn ochr â threfnydd Cymdeithas Cerdd Dant Cymru, John Eifion.

Iwan a Chôr Cerdd Dant Lliaws Prysor

Cytunodd pawb oedd yn ail gyfarfod y Pwyllgor Gwaith yr haf diwethaf, i wasanaethu ar un o’r chwech is-bwyllgor:

    cerdd dant;
   canu gwerin;
   dawns werin;
   telyn;
   llefaru;
   cyllid a chyhoeddusrwydd,

ond mae angen mwy o enwau i sicrhau llwyddiant y trefniadau. Byddwn angen cymorth pawb yn y gwaith hwyliog o gasglu arian a threfnu gŵyl lwyddiannus.

Be’ amdani gyfeillion, ydych chi’n fodlon cefnogi?

Gwyliwch am fanylion y cyfarfodydd nesaf.

Dewch draw, mae croeso i bawb. Nid oes angen i chi fod yn gerdd-dantiwrs; yn gerddorion; nac yn ddawnswyr gwerin! Os oes gennych ddiddordeb yn nhraddodiadau Cymru, ac eisiau gweld Bro Ffestiniog yn cael sylw haeddianol yn y cyfryngau, dewch i gyfrannu.
Diolch. -PW

-----
Ymddangosodd yn wreiddiol yn Llafar Bro, papur misol cylch Stiniog, yn rhifyn Gorffennaf 2016